Далучайцеся! З 21 сакавіка па 12 красавіка ў Глускім раёне пройдзе акцыя “Дай лесу новае жыццё!”
Гэтая рэспубліканская добраахвотная акцыя праходзіць у Беларусі другі раз, яе ініцыятар — Міністэрства лясной гаспадаркі, мэта акцыі — аднаўленне ветравальна- бураломных участкаў лесу.
У 2025 годзе акцыя пройдзе пад эгідай Года добраўпарадкавання і 80-годдзя Вялікай Перамогі.
Як расказала рэдакцыі намеснік дырэктара Глускага лясгаса па ідэалагічнай рабоце Ганна Русу, у дні акцыі ў нашым раёне плануецца высадзіць новы лес на плошчы 9 га, дапоўніць лясныя культуры на плошчы 11 га.
“Глускі лясгас запрашае жыхароў раёна далучыцца і ўнесці свой пасільны ўклад у аднаўленне і стварэнне зялёнага фонду краіны. Каб запісацца ў шэрагі добраахвотнікаў ці вырашыць арганізацыйныя пытанні па ўдзеле ў акцыі, трэба звярнуцца ў лясгас (тэл. 78-0-44, 8 (029)374-91-62) або ў бліжэйшае лясніцтва”, — адзначыла Ганна Русу.
