Падарункі ад “Белай Русі”
Да Міжнароднага дня абароны дзяцей у пярвічнай арганізацыі грамадскага аб’яднання “Белая Русь”, што створана ў Глускім цэнтры банкаўскіх паслуг “Беларусбанк”, вырашылі зрабіць падарункі самым маленькім выхаванцам сацыяльнага прытулка. Напярэдадні дзіцячага свята ў Калацічы завіталі прадстаўнікі банка на чале з намеснікам дырэктара ЦБП Аксанай Асадчай. Наборы для малявання вельмі спадаба-ліся дзецям, яны адразу ж узяліся іх разглядаць і прымяняць на справе. Гэты візіт праходзіў у рамках рэспубліканскай акцыі “Белая Русь — дзецям”, наладжанай грамадскім аб’яднаннем разам з “Беларусбанкам”.
— Такія сустрэчы неабходны не толькі гэтым дзецям, але і нам, дарослым, — зазначыла Аксана Асадчая, — каб мы сярод сваіх штодзённых важных спраў не забывалі на тое, што побач з намі жывуць маленькія грамадзяне нашай краіны са сваімі таксама вельмі важнымі праблемамі, і калі мы ў сілах зрабіць ім штосьці добрае, то мы павінны гэта рабіць. Прычым не толькі да свята, а ў любы зручны момант.
