Гатовы выйсці на маршрут
З верасня будзе аптымізавана маршрутная сетка прыгарадных рэйсаў, звязана гэта з пачаткам новага навучальнага года. Як паведамілі нам у аўтапарку № 15, тыя маршруты, па якіх школьнікі ездзяць да месца вучобы, будуць працаваць цяпер кожны дзень. Гэта накірункі на Зорку, Зелянковічы, Барысаўшчыну і Гарадок.
А з кастрычніка традыцыйна адкрываецца гарадскі маршрут № 1 (АП-15 — Заполле) з прыпынкамі “аддзел адукацыі”, “магазін № 5”, “сем вятроў”, “гімназія”, “аўтастанцыя”, “Бытпаслугі”, “універмаг”, “ЦСАН”, “бальніца” — “ЦСАН”, “універмаг”, “СШ № 1”, “Заполле”. Яго графік, як і заўсёды, будзе складзены з такім разлікам, каб глушчане маглі дабірацца раніцай на работу і вучобу, а вечарам вяртацца назад. Кошт білета на гарадскім маршруце будзе складаць 3 тысячы 500 рублёў.
Т. ЛУКАШЭВІЧ
